Foto: WhatsApp
MINEMBWE, SUD-KIVU: Ku minsi 25/11/2021 nibgo Ambasaderi w’Ubufaransa yasuye akarere ka Minembwe. Abaturage bo mu Minembwe bavuga ko ikibazo c’umutekano muke ari co kibaraje kw’ijoro. Ibi bakaba babisobanuriye Ambasaderi w’Ubufaransa nyuma yaho yasuye aka karere.
Nkuko tubikesha ikinyamakuru Kivutimes, gikorera mu burasirazuba bga Republika Iharanira Demokrasi ya Kongo, bivugwa yuko nyuma yo kugera mu Minembwe, Ambasaderi Bruno Auber yavuganye n’ubuyobozi baa gisirikare mbere yo kwakira abaturage bari batumiwe muri kuvuga ibibazo bzabo. Mu baserukiye abaturage bo mu bgoko bg’Abanyamulenge harimo Perezida w’imikoranire ya Banyamulenge mu Minembwe n’umugore wari uhagarariye imiryango y’ibanze, Madamu Bénigne Nansingizwa.
Nk’uko Madame Nansingizwa abitangaza, yavuze yuko bahawe ijambo kugira ngo bageze ikibazo cabo kuri ambasaderi w’Ubufaransa, aba bahagarariye abaturage mu Minembwe basobanuriye ambasaderi ko abaturage bagabgeho ibitero n’imitwe yitwaje intwaro, Mai Mai bagamije kwirukana Banyamulenge muri DRC. Bakaba kandi bakoje kwamagana ubufatanye bw’ingabo za leta FARDC n’imitwe y’inyeshamba kuko ngo bakomeje kwibasira abaturage.
Umuyobozi gakondo, Ndahinda Karojo, nawe yaje guhabga amahirwe yo kuganira na ambasaderi, akaba yamusobanuriye ko abaturage bo muyandi moko baturanye bavuguruza ubwenegihugu bwa Banyamulenge, ibzo bikaba bzongera amakimbirane hagati y’aya moko atuye mu misozi miremire ndetse no mugihugu hagati.
Ikibazo co kubura imfashanyo naco cagaragaye nk’ikibazo cugarije abaturage bo mu Minembwe kuko ngo kuva intambara zitangiye ngo nta mashirahamwe namwe yigeze abita ho. Mu gisubizo ca ambasaderi w’Ubufaransa yasezeranije gukangurira imiryango itabara imbabare gufasha aba baturage.
Nkuko iki kinyamakuru kibivuga, bivugwa yuko ambasaderi w’Ubufaransa yagiranye indi nama n’ubuyobozi bw’umiji wa Baraka, aho bamwe mu baturage bo mu bwoko bw’Abanyamulenge bahungiye nyuma yo gusenyerwa imihana yabo mu Bibogobogo.
Tubibutse yuko indi nama ku kibazo c’umutekano iteganijwe kubera i Bukavu Niposho aho bivugwa yuko ambasaderi w’Ubufaransa azavugana n’inzego zitandukanye haba iza gisirikare ndetse n’iz’abaturage bo mu moko atandukanye atuye muri iyi ntara ya Kivu y’amaj’epfo.
